October 15, 2012

ಮೌನ..??

ನೀರವ ಮೌನವೋ
ಈ ಜಗ ಬರಿದಾಗಿ
ಕವಿಯಿತೋ ಕಾರ್ಮೋಡ..
ಬತ್ತಿದ ಬಾನಲಿ
ಹನಿಯ ಉಗಮ
ಭೂ ಕಾವಿನ ಆವಿಯಲಿ

ಖಗ ಮೃಗ ಜಲ-ಚರ

ಬದುಕಿನ ಓಟದಿ
ಉದರ ಧಗೆಯಲ್ಲೀ..
ಮನುಜನ ವಾಸವೋ
ನೆತ್ತರು ಬರಿದಾಗಿ
ಸುಡು ನೆತ್ತಿಯ ನೆರಳಲ್ಲಿ

ನಗುವೋ ಅಳುವೋ

ಹೊತ್ತಿದ ದಾಹದಿ
ಕರುಳಿಗೆ ಸಾಂತ್ವಾನ..
ಈ ಜನ-ಮನದಲಿ
ವಿಧಿಯ ನೆರಳಲಿ,
ಬಾಳು ನರಕವು
ಭೂ ತಾಯಿಯ ಮಡಿಲಲ್ಲಿ.

October 05, 2012

ಮಾಸಿದ ನಗೆಯು..

ಮಾಸಿದ ನಗೆಯು
ಕಣ್ಣಿನಾಳದ ಕಡು ಕಲ್ಲಿನಡಿಯಲ್ಲಿ
ಬತ್ತಿದ ಜಲತೀರದ ಮರಳ ಧಗೆಯಲ್ಲಿ
ಉರಿದುರಿದು ಕೆಂಪಾಗಿ
ಇಳಿ ಸಂಜೆಯ ತಿಳಿ ನೆರಳಿನಲ್ಲಿ
ಕಾರ್ಮೋಡ ಎಬ್ಬಿಸಿತು
ಮುಖ ಚಂದಿರದಲ್ಲಿ...

August 24, 2012

ಮನಸು..

ಹುಚ್ಚು ಕುದುರೆಯಂತಹ ಮನಸ್ಸು.  ಭಾವನೆಗಳಿಗೆ ನಿಖರತೆಯಿಲ್ಲ.  ತನಗಾಗಿ ಹಂಬಲಿಸುವ ಮನಸ್ಸಿನ ಹುಡುಕಾಟದಲಿ ಅಲೆಯುತ್ತಿದೆ...,  ಅಲೆದು ಸೋಲುತ್ತಿದೆ...!!??

 

ಹುಚ್ಚು ಮನಸು, ನೂರು ಕನಸು. ಅಲೆದಾಟವೊಂದೇ..!
ದಾರಿ ಗೊತ್ತಿಲ್ಲ, ಗುರಿ ಇಟ್ಟಿಲ್ಲ. ಪರ್ಯಟನೆಯೊಂದೇ..!
ಮಾತನಾಡಿಲ್ಲ, ಮನಸು ಸಿಕ್ಕಿಲ್ಲ. ಮೌನವೊಂದೇ..!
ಪರಿಚಯವಿಲ್ಲ, ಸ್ನೇಹವಿಲ್ಲ. ಹುಡುಕಾಟವೊಂದೇ..!!

August 14, 2012

ಶುಭಾಷಯ....


ನೀ..

ನೀ ಕಾಣದಾದೆ ಇಂದು
ಮನವೆಲ್ಲ ಕಾದಿದೆ.
ನೀ ದೂರ ಹೋದೆಯೆಂದು
ಮನದಲ್ಲಿ ನೋವಿದೆ.
ಈ ಮನಸಿನಾ ನೋವು
ನೀ ತಿಳಿಯದಾದೆಯಾ ? ಗೆಳತಿ,
ಮನವೇಕೆ ಕೊಟ್ಟೆ ನೀನು
ಈ ಪ್ರೀತಿ ಚಿಗುರಲು ...??

June 16, 2012

" ಯಾವ ಘಳಿಗೆಯು ನನ್ನ ಮನಸ್ಸನ್ನು ಮುದಗೊಳಿಸುತ್ತದೆಯೋ,
ಆ ಸಮಯವೇ ನನಗೆ ಸ್ಪೂರ್ತಿ..!
ಯಾವ ಘಳಿಗೆಯು ನನ್ನ ಕಷ್ಟಗಳನ್ನು ಎದುರಿಸುತ್ತದೆಯೋ,
ಆ ಸಮಯವೇ ನನಗೆ ಗುರು..!
ಯಾವ ಘಳಿಗೆಯು ಇನ್ನೊಬ್ಬರ ಸಜ್ಜನಿಕೆಯನ್ನು ತಿಳಿಸುತ್ತದೆಯೋ,
ಆ ಸಮಯವೇ ನನಗೆ ಪಾಠ..!
ಯಾವ ಘಳಿಗೆಯು ಇನ್ನೊಂದು ಮನಸ್ಸಿನ ಭಾವನೆಗಳಿಗೆ ಸ್ಪಂದಿಸಲು ಸಹಕರಿಸುತ್ತದೋ,
ಆ ಸಮಯವೇ ನನಗೆ ಧ್ಯಾನ..!
ಯಾವ ಘಳಿಗೆಯು ನನ್ನವರನ್ನು ನೆನೆಯಲು ಸಹಕರಿಸುತ್ತದೋ,
ಆ ಸಮಯವೇ ನನಗೆ ನೆಮ್ಮದಿ..!
ಯಾವ ಘಳಿಗೆಯು ನನ್ನ ಕಷ್ಟಗಳಿಗೆ ಸ್ಪಂದಿಸುತ್ತದೆಯೋ,
ಆ ಸಮಯವೇ ನನಗೆ ವಿಶ್ರಾಂತಿ..! "

May 30, 2012

ಯೇನೆಂದು ವರ್ಣಿಸಲಿ ನಿನ್ನ....!!!!

* My Lyric for The Music " ಯೇನೆಂದು ಹೆಸರಿಡಲಿ........ ". A song from the Movie " ಅಣ್ಣಾ ಬಾಂಡ್ ".

January 28, 2012

ಅವಳ ಗೆಳೆತನದಲ್ಲಿ...