April 02, 2014

ಚುಂಬನದ ಸಿಹಿ..


                                         ನಿನ್ನ ಚುಂಬನದ ಸಿಹಿಯ,           
                                         ನಾ ಹೇಗೆ ಬಣ್ಣಿಸಲಿ?
                                         ಆಧಾರವಿಲ್ಲವಷ್ಟೆ..
                                         ಹೇಳಬೇಕೆಂದರೆ, ನಾನಿರುವೆನು
                                         ಮರುಚುಂಬನದ ಆಸೆಯಲ್ಲಿ,
                                         ಅಧರಾಮೃತದ ನಶೆಯಲ್ಲಿ..

March 29, 2014

ಗುರುತು

ಕಳೆದಿದೆ ನಿನ್ನ ಗುರುತು
ಹುಡುಕಲಾಗದೇ ನೆನಪಲಿ
ಮತ್ತೆ ಮತ್ತೆ ಮರುಕಳಿಸಿತು
ನೆನಪಾಗದ ಈ ಸಮಯದಲಿ

ಕೊಂಚವೂ ಸುಳಿವು ಸಿಗುತಿಲ್ಲ
ನಿನ್ನ ಭೇಟಿಯ ಚಿತ್ರಣ
ಸ್ಥಳವೂ ಅಪರಿಚಿತವಾಗಿಸಿತಲ್ಲ
ಗುರುತು, ಪರಿಚಯದ ಮಿಶ್ರಣ

ನೀ ಬಂದರೆ ಪರಿಚಯ ಸಿಗಬಹುದೇ? ನನಗೆ
ಕಣ್ಣೀರ ಹನಿಯ ಅಳುವಲಿ
ಇಷ್ಟಾದರೂ ತಿಳಿಯಬಹುದೇ? ನಿನಗೆ
ನಾ ಬದುಕಿರುವುದು ನಿನ್ನದೇ ಅಸ್ಪಷ್ಟ ನೆನಪಲಿ

ಹಿಡಿತವಿಲ್ಲದ ಮನ

ಹಿಡಿತವಿಲ್ಲದ ಮನವು
ಪ್ರೀತಿಯ ಅಲೆಯಲ್ಲಿ ತೇಲಿದೆ,
ಎಲ್ಲಿಯೋ ಕೇಳುವ ಪಿಸುಮಾತನು ಅರಸಿ!!

ತೆರೆಯ ಅಲೆಗಳೊಂದಿಗೆ ಹೆಜ್ಜೆ..

ತೆರೆಯ ಅಲೆಗಳೊಂದಿಗೆ, ನಿನ್ನ ಹೆಜ್ಜೆ ಹುಡುಕುತ
ಅಳಿಸುವ ಮೊದಲು ಕಾಲನಿಡಲು, ಈ ಮನದ ಆತುರ
ಸಹಕರಿಸುವೆಯಾ, ಒಂದೇ ಹೆಜ್ಜೆಯನಿಡಲು
ನಿನ್ನ ಕಾಲನು ನನ್ನ ಕಾಲಿನಮೇಲಿಟ್ಟು . . .

March 28, 2014

ಗುರುವೇ..


                                      ಗುರುವೇ,
                                      ನೀ ತೋರಿದಾ ಹಾದಿಯಲಿ ಹೊರಟಿಹೆನು ನಾನು
                                      ಪಥದ ಅರಿವಿಲ್ಲ, ಸೂತ್ರದಾರ ಜೊತೆಗಿಲ್ಲ
                                      ನಿನ್ನ ದಿವ್ಯದೃಷ್ಟಿಯಲ್ಲಿ ನಂಬಿಕೆಯೇ ಎಲ್ಲ
                                      ಮುನ್ನಡೆಸು ನನ್ನ ಬೆಳಕಿನೆಡೆಗೆ..

February 16, 2014

ಓಲೆ

ನಿನ್ನ ಓಲೆಯ ಕದಲುವಿಕೆ
ನನ್ನನ್ನೇ ಕರೆಯುವಂತಿದೆ
ಮಾತಿನ ತಾಳಕ್ಕೆ
ಮೌನದ ಉತ್ತರವಾಗಿ